Зімовае комба! «Лідскае піва» традыцыйна выпусціла новыя смакі да зімовага сезону

Напярэдадні зімы кампанія «Лідскае піва» прадставіла навінкі гэтага сезона: піва ЛІДСКАЕ ЗІМОВАЕ і квас ЛІДСКІ ЗІМОВЫ. Унікальнае комба парадуе не толькі вонкавым выглядам, але і традыцыйным зімовым смакам.

Спецыяльнае цёмнае піва ЛІДСКАЕ ЗІМОВАЕ нізавога бражэння прыгатавана з дабаўленнем апельсіна, гваздзікі і карыцы. Адмысловую зімовую атмасферу яму надаюць саладкавы смак і прыемны водар, а натуральныя дадаткі падкрэсліваюць глыбіню смаку.

Тыя ж, хто аддае перавагу арыгінальным безалкагольным напоям, дакладна ацэняць ЛІДСКІ ЗІМОВЫ квас. Прыгатаваны ў лепшых традыцыях лідскага бровара, ён спалучае ў сабе класічны смак квасу натуральнага бражэння і печанага яблыка.

— Думаючы пра зіму, мы звычайна прадстаўляем халодную снежную ноч, калі хочацца захінуцца ў вялікую цёплую коўдру, атачыць сябе кампаніяй сяброў і паслухаць займальныя гісторыі пад снег, які падае, — распавядаюць у «Лідскім піве». — Якраз пад такія сітуацыі мы і стварылі новую зімовую лінейку, узнавіўшы адчуванне цеплыні і утульнасці не толькі ў смаку напояў, але і ў іх знешнім выглядзе.

Акрамя ўсім вядомага аленя і Лідскага замка, які працягвае падкрэсліваць паходжанне напояў са слаўнага горада Ліды, на бутэльках можна убачыць і атрыбуты новых смакаў: карыцу, гваздзік, апельсін на піўной этыкетцы і печаны яблык на квасе. А сіні спакойны колер этыкетак з традыцыйнымі зімовымі элементамі - ёлкамі і снегам - акунае ў атмасферу надыходзячых святаў.

ЛІДСКАЕ ЗІМОВАЕ будзе прадстаўлена на паліцах магазінаў у стыльнай шкляной бутэльцы аб'ёмамі 0,5 л і ПЭТ 0,9 л. ЛІДСКІ ЗІМОВЫ квас можна знайсці ў бутэльках класічных аб'ёмаў у 1,0 л і 1,5 л.