Кампанія «Лідскае піва» працягвае шматгадовую традыцыю па выпуску незвычайных гатункаў да пачатку халоднага сезона. Адразу дзве зімовыя навінкі дапамогуць стварыць утульную атмасферу для цёплых сустрэч з сябрамі і блізкімі.
Лідскі квас «Зімовы» ўяўляе сабой натуральны квас браджэння. Яго рэцэптура была распрацавана спецыяльна да зімовага перыяду. Каб стварыць адчуванне свята, цяпла і ўтульнасці, традыцыйны хлебны квас дапоўнілі экстрактамі вішні і карыцы. Як і ўвесь асартымент Лідскага квасу, навінка не ўтрымлівае кансервантаў і выпускаецца ў зручным фармаце для спажыўцоў – ПЭТ 0,5 і 1,5 л.
Акрамя «Зімовага» квасу «Лідскае піва» зноў парадуе беларусаў сезоннай серыяй піва ЛІДСКАЕ «Зімовае». Яно прыгатавана з даданнем гваздзікі, карыцы і ядлоўцу. Духмяны водар і саладкаваты смак перадаюць атмасферу зімовых святаў. А натуральныя дабаўкі гарманічна падкрэсліваюць глыбіню смаку цёмнага піва.
Піва змяшчае 5% алкаголю, мае багаты цёмны колер (75 EBC), шчыльнасць складае 12,5%. Гэты гатунак рэкамендуецца падаваць астуджаным крыху ніжэй за пакаёвую тэмпературу (+12 +14 ° C). Сёлета акрамя шкляной бутэлькі аб’ёмам 0,5 л на паліцах упершыню з’явіцца дадатковы фармат ПЭТ 1 л.
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
