Названы пераможцы III рэспубліканскага прафесійнага конкурсу бармэнаў LIDSKAE BEER MAster 2017

Названы пераможцы III рэспубліканскага прафесійнага конкурсу бармэнаў LIDSKAE BEER MAster 2017

19 красавіка ў «STIRLITZ spy bar» адбыўся фінал Рэспубліканскага прафесійнага конкурсу бармэнаў LIDSKAE BEER MASTER 2017. Арганізатарам выступіла кампанія «Лідскае піва», партнёрскую падтрымку конкурсу забяспечыла школа бартэндынгу Splash&Dash.

Фіналу конкурсу папярэднічалі адборачны тур і паўфінал. Для ўдзелу ў адборачным туры неабходна было зарэгістравацца на сайце lidskae.by з 28 сакавіка па 5 красавіка. Па выніках першага этапу конкурсу ў паўфінал прайшлі 127 бармэнаў ва ўзросце ад 19 гадоў, з досведам працы больш за паўгода.

Другі этап конкурсу адбыўся 11 красавіка. Канкурсантам было прапанавана прайсці тэарэтычны тэст на веданне бартэндынгу і крафтавай вытворчасці «Лідскага піва». Па выніках тэсціравання найбольшую колькасць балаў набралі 15 бармэнаў: Яўген Місцюкевіч, Крысціна Шанчук, Піліп Петчанка, Ягор Пераход, Аляксей Цімафееў, Сяргей Казакоў, Аляксей Вінакураў, Аляксей Спічонак, Антон Будкевіч, Андрэй Казлоў, Алег Пекар, Мікалай Прыбалавец, Аляксей Рошчын, Аляксандр Лях, Антон Мартапляс. Менавіта яны сталі фіналістамі LIDSKAE BEER MASTER 2017.

Цягам пяці дзён перад фіналам удзельнікі стваралі аўтарскія кактэйлі на аснове новага гатунку American Black Ale з унікальнай для Беларусі крафтавай серыі піва «Калекцыя Майстра». Навінка была прэзентавана на паўфінале LIDSKAE BEER MASTER 2017 галоўным піваварам кампаніі Алегам Малахавым.

«„Лідскае піва“ выкарыстоўвае інавацыйныя падыходы ў гатаванні піва. Наша крафтавая серыя „Калекцыя Майстра“ пацвярджае гэта. Лімітаваныя серыі ад завадскіх півавараў — унікальная і значная з’ява для Беларусі. На пляцоўцы LIDSKAE BEER MASTER 2017 мы хацелі адзначыць гэту асаблівасць нацыянальнага піўнога рынку. Таму ўпершыню ў гісторыі конкурсу мы прапанавалі бармэнам прыгатаваць свае кактэйлі на аснове новага крафтавага гатунку піва з „Калекцыі Майстра“», — адзначае галоўны півавар кампаніі «Лідскае піва» Алег Малахаў.

15 аўтарскіх кактэйляў фіналістаў ацэньваліся тэхнічным журы школы бартэндынгу Splash&Dash, а таксама дэгустацыйным журы, у склад якога ўвайшлі генеральны дырэктар ААТ «Лідскае піва» Аўдрыус Мікшыс, галоўны півавар кампаніі Алег Малахаў, кіраўнік сеткі магазінаў разліўнога піва «Точка» Уладзімір Касцючэнка, рэжысёр Юрась Ярошык і старшыня Грамадскага аб’яднання «Клуб калекцыянераў піўной атрыбутыкі „Піўныя Волаты“» Васіль Майко.

Спецыяльныя эксперты конкурсу — прадстаўнікі СМІ і блогер-суполкі — таксама выбралі свайго фаварыта. Ацэньваць кактэйлі фіналістаў ім дапамаглі вопыт і майстэрства, атрыманыя на двухдзённым навучальным курсе «Піўныя і барныя трэнды. Хмяльная лабараторыя».

Пераможцам III Рэспубліканскага прафесійнага конкурсу бармэнаў LIDSKAE BEER MASTER 2017 стаў Сяргей Казакоў (кафэ «Анёлы»). «Срэбра» конкурсу атрымаў Антон Будкевіч (бар El Pushka). Трэцяе месца заняў Алег Пекар (Stirlitz Spy Bar).

Прадстаўнікі СМІ і блогер-суполкі сярод 15 фіналістаў вылучылі Антона Будкевіча (бар El Pushka).

«Мы рады ў трэці раз выступаць арганізатарамі такога грандыёзнага праекта і ўпэўнівацца ў тым, што пляцоўка LIDSKAE BEER MASTER бесперапынна ўзмацняе свой экспертны статус. Мы бачым гэта як па ўзроўню прэзентаваных аўтарскіх кактэйляў, так і па прафесійным узросце саміх удзельнікаў конкурсу. Пасля ўдзелу ў LIDSKAE BEER MASTER яны становяцца заканадаўцамі барных трэндаў, садзейнічаюць прасоўванню культуры піцця ў Беларусі», — пракаменціраваў генеральны дырэктар ААТ «Лідскае піва» Аўдрыус Мікшыс.

O_K_003-660x400
O_K_017-1-660x400
O_K_021-1-660x400
O_K_073-660x400
O_K_203-660x400
O_K_227-660x400
O_K_241-660x400
O_K_335-660x400
O_K_338-660x400
O_K_357-660x400
O_K_364-660x400
O_K_377-660x400
O_K_391-660x400
O_K_402-660x400
O_K_489-660x400
Назад Далее

ПАДПІСАЦЦА НА НАВІНЫ

Падпісацца на навіны
Форма адпраўлена паспяхова.