Натхняемся Беларуссю — ствараем новыя смакі: конкурс барнага майстэрства Lidskae BeerMaster 2025 пачаў прыём заявак

Аб’яўлены старт конкурсу Lidskae BeerMaster, які ўжо ў шосты раз збярэ прадстаўнікоў барнай культуры з ўсёй Беларусі. Пераможцаў чакаюць грашовыя прызы, а ўсіх аматараў — яркія смакі і арыгінальныя кактэйлі ад лепшых бармэнаў краіны.

У гэтым годзе конкурс барнага майстэрства Lidskae BeerMaster набывае асаблівую канцэпцыю: арганізатары прапануюць удзельнікам конкурсу чэрпаць натхненне з асаблівасцей і знакавых для іх мясцін роднага горада ці рэгіёна, ператвараючы традыцыі ў новыя смакавыя адкрыцці.

Прыняць удзел могуць як вопытныя бармэны, так і навічкі, дасягнуўшыя 19-гадовага ўзросту, якія маюць вопыт працы ад 6 месяцаў. У адборачным туры прафесійнае журы ацэніць канцэпцыі і рэцэпты аўтарскіх кактэйляў на аснове піва Lidskae Premium. Пераможцаў Lidskae BeerMaster 2025 вызначаць ў фінале, які адбудзецца 4 чэрвеня. Галоўны прыз — 8000 рублёў; фіналісты, якія зоймуць другое і трэцяе месцы, атрымаюць 5000 і 3000 рублёў адпаведна.
Навінка гэтага года — прыз сімпатый гледачоў. Лепшы кактэйль будзе выбраны шляхам анлайн-галасавання, а ўзнагародай для аўтара стане падарункавы сэртыфікат на эксклюзіўную экскурсію ў Музей Лідскага бровара для кампаніі да 8 чалавек.

«Lidskae BeerMaster 2025 — гэта не проста спаборніцтва, а магчымасць для бармэнаў пабыць крыху краязнаўцам, распавёўшы гісторыю праз смак. Нам важна, каб конкурс стаў сапраўдным мастом паміж беларускімі рэгіёнамі і натхніў удзельнікаў эксперыментаваць, аб’ядноўваць традыцыі і інавацыі, раскрываючы культурнае багацце Беларусі праз кактэйльнае мастацтва», — адзначаюць прадстаўнікі ААТ «Лідскае піва».

Конкурс Lidskae BeerMaster праводзіцца з 2015 года і з’яўляецца знакавай падзеяй барнай індустрыі Беларусі. Заяўкі на ўдзел прымаюцца да 27 красавіка 2025 года ўключна, а з поўнымі правіламі можна азнаёміцца на сайце праекта.