Напрыканцы 2023 года мы ініцыявалі шэраг актыўнасцей як для супрацоўнікаў «Лідскага піва», так і для жыхароў Беларусі, каб дапамагчы бяздомным жывёлам.
Першым этапам акцыі стала правядзенне ў Лідзе і Маладзечне кампаніі, падчас якой любы ахвочы мог абмяняць пэўную колькасць корму для жывёл на квас CRAZY CRUSH. Толькі за адзін дзень акцыі мы абмянялі 658 упаковак квасу на больш за 600 кілаграмаў сухога корму. Акрамя таго, удзельнікі акцыі прыносілі паўчы з кормам (больш за 500 штук), а таксама цацкі, прысмакі, пялёнкі і іншыя неабходныя прытулкам рэчы. Мы атрымалі вялікую колькасць водгукаў і каментароў з падзякай. Самыя каштоўныя словы былі сказаны куратарам супольнасці Зааліда: «Дзякуючы вашай кампаніі, нашы хвосцікі сустрэнуць па-сапраўднаму сыты Новы год. А такога ў нас ужо даўно не было”.
Акцыя для супрацоўнікаў "Лідскае піва" праходзіла ў форме дабрачыннай латарэі. Каб заматываваць супрацоўнікаў больш актыўна ўдзельнічаць у акцыі, дырэктары кампаніі далучыліся да акцыі і падрыхтавалі суперпрыз - сертыфікат у адзін з найбуйнейшых анлайн-гіпермаркетаў Беларусі.
Але варта адзначыць, што супрацоўнікі “Лідскага піва” абсалютна бескарысліва ўдзельнічалі ў акцыі. І на шматлікіх упакоўках з кормам пакідалі цыдулкі: «Без удзелу ў латарэі, проста жадаю дапамагчы». У акцыі прынялі ўдзел больш за 200 супрацоўнікаў кампаніі.
Вынікі латарэі аказаліся больш, чым уражлівым: мы сабралі больш за 100 кг сухога корму, больш за 500 паўчаў, а адна з супрацоўніц нават звязала цёплыя камбінезоны для шчанюкоў. Усё гэта мы перадалі ў прытулкі Мінска і Ліды, а таксама закрылі даўгі ў ветэрынарных клініках на суму каля 1500 рублёў.
«Лідскае піва» дзякуе ўсім, хто далучыўся да акцыі за дапамогу і спагадлівасць. І хочам яшчэ раз нагадаць аб тым, што маленькай дапамогі не бывае. І рабіць дабро вельмі проста!
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
