Lidskae BeerMaster пашырае фармат і ўпершыню запрашае да ўдзелу не толькі прафесійных бармэнаў, але і аматараў міксалогіі. Новы конкурс Lidskae BeerMaster 2026. Fan Edition адкрывае магчымасць стаць часткай знакавага праекта барнай індустрыі, пазмагацца за прызы і заявіць аб сабе нароўні з прафесіяналамі.
Конкурс прымеркаваны да 150-годдзя кампаніі "Лідскае піва" і праходзіць паралельна з прафесійнай часткай. Па словах арганізатараў, запуск асобнага кірунку для аматараў - гэта спосаб звярнуць увагу на развіццё культуры піцця, дзе важны густ, ідэя і эстэтыка, а таксама адказнае спажыванне.
Да ўдзелу запрашаюцца ўсе жадаючыя старэйшыя за 18 гадоў без прафесійнага вопыту ў барнай сферы, але з цікавасцю да кактэйльных эксперыментаў. Удзельнікам трэба будзе распрацаваць аўтарскі кактэйль, прадумаць яго канцэпцыю і візуальную падачу, апублікаваць фатаграфію напою ў сацыяльных сетках і накіраваць заяўку на пошту beermaster@lidskoe.by з паметкай "для конкурсу". У якасці кактэйльнай асновы, як і ў прафесійнай частцы конкурсу, можна выкарыстоўваць юбілейныя гатункі "Янтарнае" ці "Рубінавае".
Сам конкурс пройдзе ў два этапы. Адборачны тур працягнецца да 13 траўня - па яго выніках журы выбера 10 фіналістаў. Далей лепшыя кактэйлі будуць прадстаўлены на сайце праекта, а пераможца вызначаны шляхам адкрытага анлайн-галасавання. Для ўдзельнікаў гэта не толькі наступны этап конкурсу, але і шанц прадставіць свае аўтарскія канцэпцыі шырокай аўдыторыі ў рамках ключавой падзеі індустрыі.
Акрамя таго ўсе фіналісты аматарскага напрамку атрымаюць запрашэнне на гранд-фінал прафесійнай часткі конкурсу Lidskae BeerMaster 2026. Менавіта тут 28 мая будзе аб'яўлены лепшы кактэйль у катэгорыі Fan Edition. Яго аўтар атрымае памятны мерч да 150-годдзя "Лідскага піва", магчымасць наведаць Музей лідскага бровара ў кампаніі да 4 чалавек, а таксама сертыфікат для дваіх на экспрэс-курс "Барны аматар" ад школы бармэнаў Bar Portal. Кожны ўдзельнік фіналу будзе адзначаны дыпломам конкурсу.
Падрабязныя правілы ўдзелу і ўмовы даступныя на афіцыйным сайце праекту Lidskae BeerMaster 2026 у раздзеле «Конкурс бармэнаў-аматараў».
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
