LIDBEER стаў адным з самых маштабных беларускіх фестываляў 2026 года і традыцыйна аб´яднаў людзей розных пакаленняў, музычных густаў і цікавасцяў. У юбілейны для «Лідскага піва» год гэта сустрэча стала яшчэ адной нагодай сабрацца вялікай кампаніяй і разам адзначыць 150-годдзе. Тры сцэны, мноства актыўнасцяў і гастранамічныя пляцоўкі – праграма, як заўсёды, была вельмі насычанай. Не абышлося і без новых рэкордаў.
29 жніўня ў Лідзе музыка гучала ад ранку і да самай ночы. На LIDBIT STAGE і PEPSI STAGE тон задавалі дыджэі і беларускія музыкі, адбываліся інтэрактывы і розыгрышы прызоў. Галоўная сцэна сабрала артыстаў розных стыляў і пакаленняў: для гасцей выступілі IODO BAND, KaS, выбуховыя «ГУДТАЙМС», Сяргей Бабунец і МакSім, чыім песням хорам падпявала ўся плошча. Завяршыў музычную праграму гурт «Комната Культуры».
Але гэты дзень не абмяжоўваўся музыкай. Свае прасторы з мноствам актыўнасцяў, велізарным тролеем і яркімі фотазонамі прадставілі ўсе брэнды «Лідскага». Госці ахвотна ўключаліся і ў знаёмыя традыцыі: у фестывальным ЗАГСе дзясяткі пар атрымалі стылізаваныя пасведчанні аб шлюбе, заключаным пад гітарныя рыфы і гучныя воплескі, а таксама сімвалічныя значкі «Пара створана на LIDBEER-2026!». Сёлета адна з самых папулярных актыўнасцяў фестывалю – традыцыйны гістарычны квэст – атрымала новы сюжэт: удзельнікі пражывалі «Адзін дзень з жыцця Носеля Пупко», крок за крокам паглыбляючыся ў паўсядзённае жыццё заснавальніка завода.
Не менш насычанай была і гастранамічная частка фестывалю. Толькі на кухні рэстарана Лідскага бровара для гасцей прыгатавалі 2 238 страў, а лінія фудкортаў расцягнулася на 507 метраў. Зрэшты, галоўным гастранамічным акцэнтам LIDBEER-2026 стаў новы гатунак піва, звараны адмыслова да фестывалю. Лімітаваны нефільтраваны лагер «ЛІДСКАЕ Юбілейнае Festival Edition» зрабіў сапраўдны фурор.
Высокая цікавасць да LIDBEER-2026 пацвердзілася маштабам аўдыторыі: свята аб´яднала больш за 100 000 чалавек. За адзін день Музей лідскага бровара прыняў рэкордныя 613 наведнікаў, а намётавы кемпінг у Навасёлках – больш за 1 000 турыстаў, што стала максімумам за ўсе сезоны.
Фестываль гэтага года быў асабліва чаканай падзеяй, і нават раптоўны дождж не перашкодзіў галоўнаму – LIDBEER зноў аб´яднаў людзей музыкай, зносінамі і атмасферай вялікага свята.
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
