Гучнае вяртанне! LIDBEER у новым фармаце сабраў больш за 100 000 гасцей

Другога верасня пасля трохгадовага перапынку адгрымеў LIDBEER — адзін з найбуйнейшых фестываляў Беларусі. Усяго на адзін дзень у Лідзе размясцілі тры музычныя сцэны, адкрылі дзясяткі фудкортаў, гульнявых і спартыўных пляцовак, раздавалі білеты ў Музей лідскага бровара і нават пабудавалі новы ЗАГС! Расказваем, чым займаліся ў першыя выходныя верасня больш за 100 000 гасцей фэсту.

Хэдлайнерам LIDBEER 2023 сталі беларусы — сімфанічны аркестр Classic Energy, чыім кавер-версіям Nirvana, Queen і Bon Jovi падпяваў шматтысячны натоўп. Прыхільнікі электроннай музыкі больш за сем гадзін танцавалі ля сцен Лідскага замка, дзе размясцілася сцэна з дыджэямі, традыцыйныя беларускія мелодыі ў незвычайнай аранжыроўцы гучалі ля Дома гандлю.

Тэрыторыя фестывалю ахапіла ўвесь горад, і аматары актыўнага адпачынку з задавальненнем перамяшчаліся па ёй на працягу дня: ад скаладрома DYNAMI:T і майстар-класаў па фрыстайле да пляцоўкі з баланс-бордамі і ёгай. Арганізаваць пікнік можна было ў адной з чыл-зон ад AURA або CRAZY CRUSH, а зрабіць прыгожыя фота і нават пазбавіцца ад лішку энергіі – з дапамогай вялізнага антыстрэс-куба.

Усяго на адзін дзень у Лідзе адкрыліся новыя міжземнаморскія і паназіяцкія рэстараны, а таксама ўстановы, якія спецыялізуюцца на здаровым харчаванні і стравах для вегетарыянцаў. Асаблівай папулярнасцю ў гасцей LIDBEER карысталася зона актыўнасцяў ад «Мар'іна» з конкурсамі на хуткаснае паяданне чабурэкаў.

На гарадскіх святах прынята знаёміцца, але ў выпадку з LIDBEER 2023 — адразу і жаніцца. Каля фестывальнага ЗАГСа сабралася чарга з жадаючых прызнацца ў каханні, за дзень працы аформіць такім чынам адносіны пажадалі больш за 200 парачак.

Незалежна ад таго, як прыехалі госці на фэст — у адзіночку, з дзецьмі ці сябрамі, на LIDBEER было чым заняцца: выйграць прызы з дапамогай кола фартуны Crazy Crush, атрымаць сюрпрыз, схаваны за хмелевай сцяной ад «Калекцыя майстра», згуляць у настольныя гульні, прайсці гарадскі квэст, наведаць выставу рэтра-аўтамабіляў, праверыць інтуіцыю ў Pepsi Taste Challenge і многае іншае! Кульмінацыяй свята стала трэцяе за дзень шоу феерверкаў пад трэк It's My Life у выкананні Classic Energy. Завяршыўся фестываль бліжэй да поўначы выступленнем дыджэяў.

«У гэтым годзе LIDBEER трансфармаваўся ў фестываль фестываляў, дзе знайсці цікавосткі маглі самыя розныя госці: меламаны і гурманы, інтраверты і экстраверты, аматары актыўнага гарадскога адпачынку і прыхільнікі кемпінгаў. Па папярэдніх падліках, другога верасня мы сабралі больш за 102 000 чалавек! Без перабольшання можам сказаць, што піва ў гэты дзень лілося ракой: госці фестывалю выпілі 58 640 літраў піва, 9 270 літраў квасу і 19 520 літраў іншых безалкагольных напояў, — падзяліліся вынікамі ў кампаніі «Лідскае піва»,— Мы хочам выказаць асаблівую падзяку Лідскаму райвыканкаму, а таксама ўсім нашым шматлікім партнёрам, сярод якіх хацелася б асобна адзначыць БНБ-банк і Mastercard».