Квас Сrazy Crush і піва “Ідэал” атрымалі дзве срэбраныя і адну залатую ўзнагароду сусветна вядомай прэміі ў галіне маркетынгу, якая прысуджаецца за эфектыўнасць у сферы маркетынгавых і рэкламных камунікацый, — Effie Awards.
Квас Сrazy Crush, які быў прадстаўлены праектам “Квас на стылі”, заваяваў залатую ўзнагароду ў намінацыі “Безалкагольныя напоі” і срэбраную − за “Інавацыі ў бізнесе, прадуктах і паслугах”.
Перад камандай “Лідскага піва” стаяла няпростая задача — прывабіць у “нямодную” ў пакалення зумераў катэгорыю “Квас” моладзевую аўдыторыю. Вынікам гэтага выкліку стаў інавацыйны прадукт, які злучыў у сабе перавагі дзвюх катэгорый: натуральныя ўласцівасці прадукту браджэння і яркі смак і колер газаванага напою.
Крэатыўны падыход закрануў таксама і знешні выгляд прадукту, а таксама яго камунікацыю з маладой аўдыторыяй. Ружовы квас Crazy Crush здолеў убудавацца ў моладзевыя трэнды і прынесці лідару рынку — “Лідскаму квасу” — рэкордныя лічбы ў продажах.
За 7 месяцаў існавання прадукту, аматары новага квасу выпілі амаль 2 мільёны паўтаралітровых бутэлек. А калі перавесці гэтую лічбу ў літры, то Crazy Crush запоўніў бы алімпійскі басейн.
Яшчэ адна ўзнагарода — срэбра ў намінацыі “Алкагольныя і слабаалкагольныя напоі” — дасталася піву “Ідэал”.
Піва прэміяльнага сегмента “Ідэал” — падарунак для спажыўцоў ад “Лідскага піва” да свайго 145-годдзя. У юбілейны для кампаніі год каманда “Лідскага піва” стварыла ўнікальны прадукт, беражліва аднавіўшы гістарычны гатунак, які прыдумаў заснавальнік завода Носель Пупко напрыканцы ХІХ стагоддзя; была таксама адноўлена тая самая бутэлька і распрацавана спецыяльная кампанія, якая падкрэсліла моцныя бакі брэнда.
“Iдэал” дасягнуў выбітных вынікаў: прынёс брэнду Лідскае 60% ад усяго росту аб’ёмнай долі ў сегменце Прэміум. Гістарычная бутэлька стала флагманам прэміяльнага сегмента брэнда Лідскае і застаецца адной з самых вядомых бутэлек на паліцах крам.
“Золата для Crazy Crush і срэбра для “Ідэала” шмат значаць для кампаніі, — адзначыў генеральны дырэктар ААТ “Лідскае піва” Аўдрыус Мікшыс. — Гэта справядлівае прызнанне нашых поспехаў і асабістага ўнёску кожнага супрацоўніка. Асабліва паказальна, што гэта ўзнагарода ў галіне эфектыўнасці маркетынгавых кампаній, што пацвярджае шлях "Лідскага піва”, поўны даследаванняў, абмеркаванняў, крэатыву, новых ідэй, прадуктаў і прызнання спажыўцом. Наша перамога — гэта агульная заслуга, якой можа ганарыцца кожны супрацоўнік у “Лідскім піве”.
*Effie Awards — сусветна вядомая прэстыжная прэмія ў галіне маркетынгу, якая прысуджаецца за галоўнае дасягненне ў сферы маркетынгавых і рэкламных камунікацый — эфектыўнасць. Effie Awards праводзіцца з 1968 года ў 47 краінах, на пяці кантынентах і на глабальным узроўні.
Прэмія Effie вядомая рэкламадаўцам і агенцтвам ва ўсім свеце як выбітная ўзнагарода ў галіне, якую міжнародныя брэнды і агенцтвы па ўсім свеце штогод імкнуцца займець у свой арсенал, і лічыцца сусветна прызнаным “залатым стандартам” маркетынгавай эфектыўнасці, сімвалам дасягненняў у сферы маркетынгу. Прэмія Effie ўручаецца за ідэі, якія рэальна працуюць, даказваючы дзейснасць рэалізаваных камунікацый для развіцця бізнесу і прафесійную кампетэнтнасць іх стваральнікаў.
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
