ААТ «Лідскае піва» (частка фінскага холдынгу Olvi Group) пачало вытворчасць «Пшанічнага» ў незвычайным бляшанкавым фармаце. Upside Down Can улічвае асаблівасці традыцыйнага пшанічнага піва, дзякуючы чаму дазваляе выконваць асаблівыя правілы падрыхтоўкі прадукта да ўжывання.
«Пшанічнае» з «Калекцыя Майстра» — гэта светлае нефільтраванае піва, вырабленае па тэхналогіі трайнога збраджвання (Triple Fermentation). Дзякуючы дражджам у складзе піва дабраджвае пасля разліву, з-за чаго на дне нярэдка можа ўтварацца характэрны асадак.
На думку экспертаў галіны, для ацэнкі смаку сапраўднага пшанічнага піва дрожджы павінны быць размеркаваны раўнамерна. Для гэтага перад адкрыццём бутэльку рэкамендавана боўтаць. «Пшанічнае» ў Upside Down Can фармаце ад півавараў з Ліды дазваляе спажыўцам выконваць правілы падрыхтоўкі да ўжывання без якіх-небудзь высілкаў, банку дастаткова проста перавярнуць.
— Развіццё піўной культуры ў краіне, нароўні з укараненнем інавацый, — адзін з прыярытэтаў нашай кампаніі, — адзначае Ангеліна Янік, вядучы брэнд-менеджар ААТ «Лідскае піва». — Як трэндсэтар, мы шмат эксперыментуем, а дзякуючы запуску уласнай баначнай лініі перад нашай камандай адкрываецца яшчэ больш магчымасцяў для смелых рашэнняў. Адным з першых прадуктаў, якія былі разліты на новай лініі, стаў наш тытулаваны гатунак крафтавага піва, бо цікавасць да сегмента пшанічнага піва з боку спажыўцоў імкліва расце.
«Пшанічнае» з «Калекцыя Майстра» ў новым фармаце ўжо прадстаўлена ў крамах па ўсёй краіне. На паліцах навінка з’явілася 12 кастрычніка. Рэкамендаваны кошт — 2,2 BYN за бляшанку аб’ёмам 0,45 літра.
Даведачна: Асартымент бляшанкавых прадуктаў кампаніі прадстаўлены як у алкагольным, так і ў безалкагольным сегменце. У ж/б спажыўцам даступныя Жыгулёўскае, прэміяльны Warsteiner, шэраг гатункаў з тытульнай лінейкі ЛІДСКАЕ, брэнд Koronet, энэргетычныя напоі і Лідскі квас. Раней разліў у банкі ажыццяўляўся на тэрыторыі іншых вытворцаў канцэрна, сярод якіх кампаніі Volfas Engelman і Cesu alus. Нямецкае абсталяванне Krones дазваляе кампаніі не толькі маштабаваць вытворчасць прадуктаў у бляшанках (новая лінія дае магчымасць штомесяц разліваць у CAN да 7,5 млн. літраў прадукцыі), але і прапаноўваць спажыўцам «Лідскага піва» нетыповыя фарматы як з пункту гледжання аб’ёмаў, так і з пункту гледжання іх вонкавага выгляду.
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
