Пагадненне паміж «Лідскім півам» і Warsteiner International KG было падпісана ў 2014 годзе. У 2019 тэрмін яго дзеяння працягнулі яшчэ на 5 гадоў. Warsteiner стаў першым ліцэнзійным брэндам для прадпрыемства.
Сёння «Лідскае піва» — адна з шасці кампаній у свеце, якая выпускае піва па ліцэнзіі Warsteiner. Год таму адмыслова для беларускага рынку найбуйнейшы прыватны бровар Германіі сумесна з «Лідскім півам» распрацаваў унікальны гатунак Warsteiner Light Pilsner. Гэта адзіны выпадак у шматгадовай гісторыі Warsteiner па запуску прадукту, створанага за межамі нямецкага бровара. Падобная калабарацыя стала магчымай дзякуючы высокай прафесійнай экспертызе лідскіх півавараў і пацвярджэннем даверу нямецкага боку.
— Адна з найважнейшых мэтаў нашай кампаніі — прапаноўваць беларускім спажыўцам больш прадуктаў сусветнага ўзроўню і стандарту, — адзначыў А. Мікшыс, генеральны дырэктар ААТ «Лідскае піва». — Для нас Warsteiner стратэгічны партнёр, чый вопыт і традыцыі піваварства мы цэнім вельмі высока. Наша партнёрства — гэта 6 гадоў паспяховага супрацоўніцтва, якое мы плануем працягваць і развіваць.
Еўрапейскі лагер Warsteiner варыцца ў адпаведнасці з класічным нямецкім законам аб чысціні піваварэння. Да працэсу піваварэння і кожнага з інгрэдыентаў прад’яўляюцца строгія патрабаванні. Для вытворчасці Warsteiner выкарыстоўваецца артэзіянская вада, якая прайшла двайную апрацоўку. У склад прадукту ўваходзіць спецыяльная сумесь хмеляў, якая рыхтуецца толькі ў нямецкім горадзе Варштайн, асаблівыя нямецкія дрожджы і адборны ячмень. Пасля кожнага варэння ўзоры з Ліды адпраўляюць на кантроль у лабараторыю Warsteiner, дзе іх ацэньваюць на адпаведнасць арганалептычных уласцівасцяў нямецкай рэцэптуры. Нярэдкія выпадкі, калі беларускія ўзоры атрымліваюць больш высокія ацэнкі, чым нямецкія.
Warsteiner International KG — найбуйнейшы сямейны бровар Германіі з вопытам піваварства, які фармаваўся на працягу 267 гадоў. Піва мае высакародны смак, з характэрнай хмелевай гарчынкай, якая атрымліваецца ў выніку больш працяглага браджэння. Гэта дае магчымасць называць Warsteiner «шампанскім сярод піва». На беларускім рынку брэнд прадстаўлены двума гатункамі — Warsteiner Premium Beer і Warsteiner Light Pilsner. Даступныя фарматы пакавання — шкляныя бутэлькі і банкі 0,5 л, а таксама кегі. У гэтым годзе ААТ «Лідскае піва» плануе пашырэнне лінейкі Warsteiner, якое будзе анансавана асобна.
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
