«Лідскае піва» ўпершыню ў сваёй гісторыі выпусціла кіслы эль. Навінка Sour Ale з «Калекцыi Майстра» стала першым у Беларусі кіслым гатункам, які выведзены на масавы рынак буйным піўзаводам.
Навінка выпушчана ў крафтавай серыі і адкрывае беларускім спажыўцам папулярны клас прадуктаў у піўным крафце. Кіслы эль з’явіцца на прылаўках крам ужо з 16 ліпеня.
Гісторыя піваварства гаворыць: да з’яўлення пастэрызацыі амаль любы гатунак у той ці іншай ступені падвяргаўся ненаўмысна акісленню бактэрыямі. І калі два стагоддзі таму назад півавары стараліся гэтага пазбегнуць, то цяпер акісленае бактэрыямі піва стала модным і запатрабаваным кірункам крафтаваго броварства. Катэгорыя «кіслыя элі» ўключае ў сябе мноства стыляў і спосабаў вытворчасці.
Sour Ale ўяўляе сабой кіслы эль сярэдняга мацунку (3,9%) з даўка-фруктовым смакам і мяккім паслясмакам. Пры вытворчасці Sour Ale выкарыстоўваюцца спецыяльны бельгійскі солад Chateau Acid з павышаным утрыманнем малочна-кіслых бактэрый і сок журавін, што і надае піву асаблівы смак.
Масавая доля сухіх рэчываў у Sour Ale складае 11,7%. Колер у навінкі светлы – 8 балаў па шкале EBC, а ступень горычы — 10 адзінак па IBU. Піва рэкамендуецца падаваць пры тэмпературы ад 10 да 12 градусаў.
«Беларусы ахвотна знаёмяцца з сусветнымі піўнымі трэндамі, і мы гатовыя падтрымліваць іх у гэтым імкненні, выпускаючы неардынарныя для рынку гатункі, — адзначыў галоўны півавар кампаніі «Лідскае піва» Алег Малахаў. — Наўмысна акісленнае бактэрыямі піва цяпер на піку папулярнасці ў сусветным крафце. І мы рады прапанаваць беларускім спажыўцам сваё бачанне кіслага элю ў крафтавай серыі. Навінка павінна перавярнуць уяўленне спажыўцоў аб піўным асартыменце».
Sour Ale стаў 12-м смакам серыі «Калекцыя Майстра». Навінка выпушчаная лімітаванай партыяй — усяго 75 000 літраў — і будзе даступная ў продажы да канца верасня. Гатунак прадстаўлены ў двух фарматах пакавання — шкляная бутэлька 0,33 і 0,5 л. Рэкамендаваная цана складае 1,77 і 2,35 рубля адпаведна.
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
