«Агульная дыктоўка» па беларускай мове зноў пройдзе ў Мінску

«Агульная дыктоўка» па беларускай мове зноў пройдзе ў Мінску

2 чэрвеня ў суботу ў Мінску ў Нацыянальнай бібліятэцы ў другі раз пройдзе «Агульная дыктоўка». Праверыць сваю пісьменнасць і напісаць дыктоўку па беларускай мове змогуць усе ахвочыя. Ідэйным арганізатарам мерапрыемства зноў выступіла ААТ «Лідскае піва».

«Лідскае піва» працягвае падтрымліваць развіццё беларускай мовы. З дапамогай гэтага адукацыйнага праекта, які сабраў у мінулым годзе больш за 170 чалавек, у тым ліку з рэгіёнаў, мы імкнемся натхняць людзей пашыраць ужыванне беларускай мовы, бачыць яе прыгажосць і натхняцца ёю.

У гэтым годзе «Агульная дыктоўка» набывае статус нацыянальнай. Для ўсіх, хто па якіх-небудзь абставінах не зможа прыехать у Мінск, акрамя інтэрнет-трансляцыі будзе арганізавана трансляцыя на Першым канале Нацыянальнага радыё, — сказала менеджар па карпаратыўных камунікацыях ААТ «Лiдскае пiва» Наталля Яфімкіна.

Што трэба для ўдзелу?

1. Зарэгістравацца на сайце www.lidskае.by.

2. Прыйсці не пазней за 11.30 у Нацыянальную бібліятэку Беларусі (уваход з боку рэстарана  “Явар”, былы”Мегаполіс”, 2-гі паверх), пр-т Незалежнасці, 116.

3. Альбо падключыцца да інтэрнэт-трансляцыі дома.

Дыктоўка пачнецца ў 12.20 і працягнецца да 13:20. Арганізатары не парушылі традыціі і падрыхтавалі спецыяльны тэкст. У гэтым годзе тэкст будзе прысвечаны 400-годдзю першага беларускага буквара. Чытаць яго будзе Руся – cпявачка, акторка беларускага дубляжу, «голас беларускай чыгункі», трэнерка па пастаноўцы голасу.

Пасля дыктоўкі ўдзельнікаў чакае спецыяльная зона, дзе можна будзе пагуляць у беларускія настольныя гульні і сфатаграфавацца.

Працы мінчан правераць прафесійныя філолагі. Вынікі стануць вядомыя на працягу 5-цi рабочых дзён. Усе ўдзельнікі атрымаюць па электроннай пошце свае вынікі, а таксама электронныя сертыфікаты аб удзеле ў дыктоўцы. Арыгінал тэксту будзе выкладзены на сайце.

Чакаем вас на «Агульнай дыктоўцы»!
2 чэрвеня 2018 года
Нацыянальная бібліятэка Беларусі

(уваход з боку рэстарана “Мегаполіс”, 2-гі паверх),
пр-т Незалежнасці, 116

Праграма мерапрыемства:
11.30 – 12.00 – рэгістрацыя ўдзельнікаў
12.00 – 12.20 – урачыстае адкрыццё
12.20 – 13.20 – напісанне дыктоўкі

ПАДПІСАЦЦА НА НАВІНЫ