З 26 лютага адкрыта рэгістрацыя на IV рэспубліканскі конкурс прафесійных бармэнаў LIDSKAE BEER MASTER. Арганізатарам спаборніцтва выступае ААТ «Лідскае піва». Да ўдзелу запрашаюцца беларускія бармэны ва ўзросце ад 19 гадоў з досведам працы не менш за паўгода. Мэта спаборніцтва ‒ звярнуць увагу грамадскасці на неабходнасць развіцця культуры піцця. Конкурс праводзіцца пры падтрымцы школы бартэндынгу Splash&Dash.
LIDSKAE BEER MASTER падтрымлівае стандарты еўрапейскіх спаборніцтваў для бармэнаў: бармэны дэманструюць як тэарэтычныя, так і практычныя веды ў галіне падрыхтоўкі кактэйляў. Канкурсанты, якія вытрымаюць прамежкавы этап адбору, у фінале прадставяць піўныя кактэйлі аўтарскай рэцэптуры. У якасці журы выступяць прафесіяналы барнай індустрыі, рэстаратары, журналісты буйных СМІ. Тройка пераможцаў конкурсу атрымае грашовыя прызы.
Для ўдзелу ў конкурсе неабходна запоўніць заяўку на сайце ААТ «Лідскае піва» да 15 сакавіка. З правіламі конкурсу і ўсёй неабходнай інфармацыяй для падачы заяўкі можна азнаёміцца тут.
Даведка
Упершыню рэспубліканскі прафесійны конкурс бармэнаў LIDSKAE BEER MASTER быў ініцыяваны і праведзены ААТ «Лідскае піва» ў 2015 годзе. У 2017 годзе ў паўфінале прынялі ўдзел 127 чалавек. Пераможцам быў прызнаны Сяргей Казакоў (кафэ «Анёлы»), другое месца заняў Антон Будкевіч (бар El Pushka), трэцяе месца — Алег Пекар (Stirlitz Spy Bar).
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
