Кампанія «Лідскае піва» выпусціла адмысловы зімовы гатунак квасу — натуральны квас браджэння з экстрактамі карыцы і апельсіна. Лідскі квас «Пікантны апельсін» пачаў з’яўляцца на паліцах крам з першай дэкады лістапада.
Незвычайнае для традыцыйнага квасу спалучэнне інгрэдыентаў надае Лідскаму квасу «Пікантны апельсін» яркі зімовы смак. Выразныя ноты апельсіна і карыцы пераносяць у атмасферу навагодніх святаў і цёплых сустрэч у коле сям’і. Лідскі квас «Пікантны апельсін» з’яўляецца самастойным напоем, а таксама ўдала гармануе з рознымі стравамі святочнага і паўсядзённага стала.
Як і ўсе прадстаўнікі квасной лінейкі ад лідскага завода, гатунак «Пікантны апельсін» не ўтрымлівае кансервантаў. Асновай напою стаў хлебны квас, які ўваходзіць у пастаянны асартымент вытворцы.
Лідскі квас «Пікантны апельсін» будзе выпускацца ў 2-ух фарматах. ПЭТ-бутэлька 1,5 літра прадугледжана для зручнасці спажывання вялікай кампаніяй, а бутэлька 0,5 літра, якую вытворца ўпершыню выкарыстаў для зімовага гатунку квасу, — для індывідуальнага знаёмства з новым лімітаваным смакам.
Спажыўцы лёгка пазнаюць навінку па арыгінальнай «снежнай» этыкетцы. Рэкамендаваная цана складае 1,03 беларускіх рублёў і 1,95 беларускіх рублёў за бутэльку 0,5 і 1,5 літра адпаведна.
Квас будзе выпушчаны абмежаванай серыяй і даступны ў продажы да канца лютага 2018 года.
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
