29 сакавіка 2022 года ў дзень нараджэння кампаніі «Лідское піва» адкрыўся Музей лідскага бровара, які стаў асаблівым падарункам для супрацоўнікаў і спажыўцоў.
Тры гады таму музей расчыніў свае дверы і за гэты час стаў адным з самых запатрабаваных турыстычных маршрутаў краіны. Пра гэта, несумненна, кажуць цыфры: ў 2023 годзе яго наведалі 22 597 чалавек, а ў 2024 годзе – ўжо 32 106 гасцей. Рэкорд па наведванню быў устаноўлены 11 жніўня 2024 года – музей прыняў 292 наведвальніка. А абсалютны рэкорд наведвання быў пастаўлены музеем на фестывалі Лідбір. Тады цягам аднаго дня музей па скарочанай праграме экскурсіі наведала 535 чалавек!
Сярод наведвальнікаў музея як беларусы, так і госці з блізкага і далекага замежжа. Геаграфія гасцей уражвае: Кітай, Аўстралія, індыя, Велікабрытанія, Галандыя, ЗША. Спіс можна працягваць... Дзякуючы гэтаму мы развіваемся і рыхтуемся праводзіць экскурсіі не толькі на беларускай і рускай мовах, але і на англійскай і польскай. Не кожны музей можа пахваліцца такой кліентаарыентаванасцю.
Цягам трох гадоў музей увесь час папаўняе сваю экспазіцыю новымі цікавымі экспанатамі і смелымі эксперыментамі. У снежні 2024 года стартавала першая часовая выстава «Арт-хмель», рэалізаваная сумесна з галерэяй FARBA. Выстава прадэманстравала сувязь мастацтва і напояў праз вобразы герояў вядомых карцін і крэатыўныя вокладкі таблоідаў.
У Музее лідскага бровара цікава заўсёды. Так, калі вы вырашыце наведаць музей гэтай вясной, акрамя пастаяннай экспазіцыі вы зможаце бонусам наведаць выставу фотаработ супрацоўнікаў ААТ «Лідскае піва».
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
