2026 год стаў для «Лідскага піва» асаблівым: кампанія адзначыла 150-годдзе, а завяршае юбілейны год новымі прафесійнымі дасягненнямі. Праекты кампаніі атрымалі адразу некалькі ўзнагарод ADVERTISING & MARKETING AWARDS 2026, а якасць прадукцыі была адзначана Гран-пры конкурсу «PRODEXPO: Традыцыі. Якасць. Інавацыі».
Золата, срэбра і бронза за маркетынгавыя праекты

6 лістапада адбылася цырымонія ўзнагароджання пераможцаў ADVERTISING & MARKETING AWARDS 2026 — прафесійнай прэміі ў сферы маркетынгу, якая адзначае найбольш эфектыўныя брэнды і камунікацыйныя праекты.
Сёлета сярод пераможцаў — адразу некалькі праектаў «Лідскага піва».
Золата прэміі атрымалі юбілейныя гатункі «Янтарнае» і «Рубінавае», выпушчаныя да 150-годдзя кампаніі, у катэгорыі алкагольных і слабаалкагольных напояў. Гэты ж праект быў адзначаны срэбрам яшчэ ў адной намінацыі прэміі.
Праект «Лiдскае в Threads: сделайте вирусно. Все говорят, а мы сделали» заваяваў дзве ўзнагароды, у тым ліку срэбра ў катэгорыі «Кампании в социальных сетях».

Яшчэ дзве ўзнагароды прынеслі праекты брэнда «Лідскі квас»: кампанія «ЛЮБИМЫЙ БЕЗ РЕКЛАМЫ» атрымала срэбра, а «Всё начинается на „Л“ была адзначана бронзай.
Ад прызнання маркетынгу да прызнання якасці
17 лістапада да дасягненняў у сферы маркетынгу дадалося прызнанне якасці прадукцыі. Юбілейныя гатункі «Янтарнае» і «Рубінавае» атрымалі Гран-пры конкурсу «PRODEXPO: Традыцыі. Якасць. Інавацыі».

Конкурс праходзіць у межах 32-й Міжнароднай спецыялізаванай аптовай выставы-кірмашу PRODEXPO-2026, якая прымае ўдзельнікаў з 17 па 20 лістапада ў Мінскім міжнародным выставачным цэнтры BELEXPO. Выстава аб'ядноўвае вытворцаў і пастаўшчыкоў прадуктаў харчавання і напояў, прадстаўнікоў гандлю і іншых прафесіяналаў харчовай галіны.
Сёлета ў дэгустацыйным конкурсе былі прадстаўлены 344 узоры прадукцыі больш як ад 90 прадпрыемстваў.

Узнагароды, атрыманыя напрыканцы года, сталі яшчэ адным вынікам працы каманды «Лідскага піва» ў юбілейным 2026-м і аб'ядналі два важныя складнікі працы кампаніі: якасць прадукцыі і эфектыўную камунікацыю са спажыўцамі.