«Лідскае піва» падарыла ўрачам хуткай дапамогі г. Ліды цалкам укамплектаваны рэанімабіль

Урачыстае ўручэнне рэанімабіля з дадатковым камплектам шын і 30 000 медыцынскіх масак адбылося 21 снежня.

У цырымоніі ўручэння ключоў ад аўтамабіля прыняў удзел кіраўнік Гродзенскай вобласці Уладзімір Каранік, галоўны ўрач Лідскай ЦРБ Уладзімір Трубчык і генеральны дырэктар ААТ «Лідскае піва» Аўдрыус Мікшыс.

Уручаючы падарунак урачам, Аўдрыус Мікшыс сказаў: «Лідскае піва» разумее, якую важную ролю адыгрывае ў выратаванні чалавечых жыццяў аўтамабіль «хуткай дапамогі». Калі пачулі, што ёсць запыт на набыццё аўтамабіля хуткай дапамогі, ні я, ні мой кіраўнік у Фінляндыі не сумняваліся, што мы павінны гэта зрабіць. Ужо колькі год мы супрацоўнічаем з нашай цэнтральнай раённай бальніцай. Мы неаднаразова перадавалі сродкі абароны, удзельнічалі ў закупцы неабходнага абсталявання. 5 гадоў таму, калі ў «Лідскім піве» ўжо былі зроблены асноўныя інвестыцыі і эканамічнае становішча стала ўстойлівае, мы пачалі ўсё больш дапамагаць дзяржаўным установам. Мы дапамагалі не толькі грашыма. Але адгукаліся на просьбы дапамагчы з закупкай абсталявання, спартыўнага інвентару і нават экспанатаў для музея. З 2017 года па 2022 мы аказалі спонсарскую дапамогу на 874 916 рублёў, з гэтай сумы 558 420 для ЦРБ. У далейшым наша спонсарская палітыка застанецца такая ж – будзем пасільна дапамагаць гораду, Гродзенскай вобласці».