Больш за 50 удзельнікаў, новыя смакавыя спалучэнні і ўпершыню — конкурс для аматараў міксалогіі. 28 мая адбыўся фінал конкурсу барнага майстэрства Lidskae BeerMaster 2026, дзе вызначылі найлепшых барменаў сезона і пераможцу Fan Edition.
Да свайго 150-годдзя кампанія «Лідскае піва» прапанавала ўдзельнікам звярнуцца да тэмы каштоўнасцяў. Для адных імі сталі рубіны, рубеліты і сапфіры. Для другіх — падарожжы, успаміны дзяцінства або сямейныя гісторыі. Хтосьці ўвасабляў у кактэйлі атмасферу легендарных кінагісторый, а хтосьці расказваў пра самыя запаветныя мары і асабістыя адкрыцці. Менавіта так удзельнікі Lidskae BeerMaster 2026 пераасэнсавалі галоўную тэму конкурсу, даказаўшы, што сапраўдная каштоўнасць не заўсёды вымяраецца каратамі.
Апроч новай тэмы, сезон прынёс адразу некалькі важных змен. Упершыню ўдзельнікам прапанавалі ствараць кактэйлі на аснове дзвюх юбілейных навінак — «Янтарнае» і «Рубінавае», а таксама запусцілі асобны конкурс для аматараў міксалогіі. Усяго арганізатары атрымалі больш за паўсотні заявак з усёй Беларусі, а высокі ўзровень удзельнікаў прымусіў журы перагледзець першапачатковыя квоты: у паўфінал прайшлі 36 канкурсантаў замест 30, а ў фінал — 12 замест 10. Свой унёсак у такую канкурэнцыю зрабілі і ўдзельнікі мінулых сезонаў, якія зноў выйшлі на сцэну Lidskae BeerMaster з новым досведам і ідэямі.
Работы канкурсантаў ацэньвала журы, у склад якога ўвайшлі прадстаўнікі кампаніі «Лідскае піва», эксперты барнай індустрыі, пераможцы мінулых сезонаў, а таксама прадстаўніца школы барнай справы і рэстараннага бізнесу BarPortal. Пры гэтым увага надавалася не толькі смаку кактэйляў. Фіналісты прэзентавалі свае канцэпцыі на рускай і беларускай мовах, прапаноўвалі сабраць тэматычныя пазлы, разгадаць крыжаванкі і паўзаемадзейнічаць з элементамі падачы. Асабліва высока журы ацаніла глыбіню ідэй, увагу да дэталяў і смеласць смакавых спалучэнняў. Паводле прызнання арганізатараў, нават дасведчаных прадстаўнікоў індустрыі здзівілі некаторыя камбінацыі — напрыклад, спалучэнні гатункаў «Янтарнае» і «Рубінавае» з смажаным ананасам або вытрыманым вермутам.
Выбраць найлепшых было няпроста, аднак менавіта гэтыя кактэйлі журы адзначыла асабліва высока:
1 месца — Антон Чарноў, кактэйль Path of the Stone (бар «Легендар», Мінск);
2 месца — Екацярына Буката, кактэйль «Сэрца акіяна» (бар Fantasy, Мінск);
3 месца — Андрэй Грыцалевіч, кактэйль «Кішэні, поўныя ўспамінаў» (чарачная «Салют», Мінск).
Пераможцы атрымалі грашовыя прызы, а ўсе фіналісты — памятныя юбілейныя наборы кампаніі «Лідскае піва», а таксама запрашальнікі на дзве асобы на фестываль LIDBEER 2026, які адбудзецца 29 жніўня ў Лідзе.
Сёлета зноў вызначылі ўладальніка прыза глядацкіх сімпатый. Барацьба за лідарства захоўвалася да апошніх дзён галасавання, а перамогу атрымаў Мікіта Фралоў з наваполацкага рэстабара 4YOU з кактэйлем, прысвечаным рубеліту — каменю «абуджанага сэрца». Найлепшай у конкурсе для аматараў міксалогіі Lidskae BeerMaster 2026 Fan Edition стала Наталія Карась з кактэйлем «Парк CHILLюскінцаў».
За гады існавання Lidskae BeerMaster даўно выйшаў за межы прафесійнага конкурсу і сёння з’яўляецца пляцоўкай, дзе нараджаюцца новыя ідэі, раскрываюцца таленты і з’яўляюцца гісторыі, якія затым становяцца часткай барнай культуры Беларусі. І фінал 2026 года чарговы раз даказаў: самыя каштоўныя адкрыцці пачынаюцца там, дзе майстэрства сустракаецца з натхненнем.
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
