2 верасня фестываль LIDBEER, арганізаваны піваварнай кампаніяй «Лідскае піва», збярэ дзясяткі тысяч беларусаў у адным месцы, каб адсвяткаваць 700-годдзе Ліды. У гонар гэтай значнай даты фестываль будзе бясплатным.
Галоўным адрозненнем LIDBEER-2023 ад мінулых фестываляў стане яго абноўлены фармат пад слоганам «Аб'ядноўваем розных». Лідчан і гасцей горада чакаюць адразу некалькі фестываляў у адным: музыкі, ежы і феерверкаў. На цэлы дзень Ліда ператворыцца ў вялізную пляцоўку з квэстамі, фуд-кортамі, зонамі адпачынку і, вядома ж, музыкай.
На гэты раз музыка будзе гучаць не з адной сцэны, як гэта было на папярэдніх фестывалях, а з трох. Традыцыйны рок-фестываль дапоўняць поп і фольк выканаўцы, а ля замкавай сцяны на працягу ўсяго дня будуць граць DJ-сэты.
На фестывалі можна будзе пачаставацца і смачнай ежай. На тэрыторыі размесцяцца каля 200 розных пунктаў, прычым не толькі са звыклым і любімым многімі фастфудам. Нават самыя патрабавальныя гурманы знойдуць нешта да спадобы: тут і веганскія стравы, і карысная ежа, а яшчэ разнастайнасць нацыянальных кухняў.
Упершыню ў межах LIDBEER пройдзе фестываль феерверкаў. Іх будзе на свяце шмат: апроч вялікага вячэрняга завяршальнага салюту, можна будзе ўбачыць і некалькі дзённых.
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
