13 верасня Ліда сустрэне гасцей на адным з самых яркіх фестываляў Беларусі. LIDBEER 2025 абяцае насычаную праграму, мноства забаў, зорных артыстаў і незвычайную атмасферу для дзясяткаў тысяч прыхільнікаў.
LIDBEER стане фінальнай кропкай фестывальнага сезона гэтага года і выдатнай магчымасцю падоўжыць адчуванне лета, зарадзіўшыся настроем вялікага open-air.
Гасцей чакаюць сотні фудкортаў, кіламетры смачнай ежы, мора музыкі, а таксама разнастайныя забавы, якія прадставяць брэнды «Лідскага піва» і партнёры LIDBEER 2025.
Кульмінацыяй фестывалю стане гала-канцэрт на Дажыначнай плошчы з удзелам зорных артыстаў з розных краін, якія прадстаўляюць рок- і поп- напрамкі.
Стартавая цана квіткоў на гала-канцэрт — 59,95 руб., і першая партыя ўжо ў продажы на Афіцыйным сайце фестывалю. Для тых, хто цэніць павышаны камфорт, прадугледжаны квіткі катэгорыі VIP. Дзеці да 12 гадоў або ростам да 140 см у суправаджэнні дарослага змогуць трапіць да галоўнай сцэны бясплатна.
Важна адзначыць, што ўваход у асноўную фестывальную зону застанецца свабодным для ўсіх. Апроч таго, будзе адкрыта магчымасць бясплатна наведаць Музей лідскага бровара — дастаткова загадзя запісацца на месцы.
Адным з самых атмасферных элементаў зноў стане LIDBEER-ЗАГС, які выклікаў фурор на папярэднім фестывалі. У гэтым годзе закаханыя таксама змогуць сімвалічна злучыць сэрцы непасрэдна на мерапрыемстве.
LIDBEER – адна з самых значных фестывальных падзей Беларусі, якая рэгулярна збірае больш за 100 тысяч гасцей і самых яркіх музычных зорак. Традыцыйна мерапрыемства адбудзецца ў рамках святкавання Дня горада Ліда і пройдзе пры падтрымцы Лідскага раённага выканкама. Усю актуальную інфармацыю пра гэтую грандыёзную падзею можна знайсці ў тэлеграм-канале LIDBEERFEST і на сайце lidbeer.by.
Арганізатар ТАА «Левол Груп»: Гастрольнае пасведчанне № 5890/491 ад 03.04.2025 выдадзена Упраўленнем культуры Гродзенскага абласнога выканаўчага камітэта
.jpg)
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
