13 верасня музычны фестываль LIDBEER у Лідзе зрабіўся магутным акордам, які завяршыў летні фестывальны сезон. Чатыры сцэны, пятнаццаць артыстаў з розных краін, больш за пяцьдзясят відаў забаў, кіламетровая лінія фудкортаў, дванаццаць партнёрскіх зон, майстар-класы і конкурсы – усё гэта пра маштаб LIDBEER 2025.
Фестываль адкрыўся яркім барабанным шоу BaraBand: удзельнікі шэсця прайшлі цэнтральнай вуліцай і задалі рытм усяму святу. Партнёрскія зоны ўжо з раніцы цешылі самымі рознымі актыўнасцямі для дарослых і дзяцей: прадказанні ад «Лідскага квасу», батут ад DYNAMIT, гульні, фотазоны і дэгустацыі ад Rocky Crock, «Ясен квасен», «Жыгулёўскага» і іншых брэндаў. А для аматараў экстрыму былі скаладром, тролей і катанне на сапбордах. Нязменнай традыцыяй фестывалю засталося наведванне Музея лідскага бровара. На працягу дня экскурсію наведалі больш за 520 гасцей.
Упершыню для LIDBEER, акрамя традыцыйнага мерча, была створана капсульная калекцыя адзення. У калабарацыі з брэндам AGEE кампанія «Лідскае піва» прадставіла фірменны дроп з апсайклінг-матэрыялаў, падкрэсліўшы сваю адданасць экалагічнасці.
Асаблівым месцам прыцягнення і сэрцам фестывалю, як заўсёды, зрабілася галоўная сцэна: Юлія Савічава, Аляксандр Пушны, Антон Токараў, гурт «Барысаўскі тракт», The Hatters і хард-тэхна дуэт Police in Paris напаўнялі прастору энергіяй і рамантыкай. Артысты прызнаваліся ў любові гораду і беларусам, а публіка адказвала ўзаемнасцю, разгойдваючы танцпол.
LIDBEER 2025 зрабіўся не толькі святам музыкі і гастраноміі, але і месцам для стасункаў і новых знаёмстваў, увасобіўшы ў жыццё афіцыйны слоган «Яднаем розных».
Традыцыйны квест, які пагружае гасцей у гісторыю горада і кампаніі «Лідскае піва», дапоўніўся новай «фішкай»: кожны мусіў абмяняцца артэфактам, атрыманым на працягу гульні, з іншым удзельнікам. Гэта ператварыла квест не толькі ў захапляльныя прыгоды, але і стала падставай пазнаёміцца адзін з адным.
Адной з самых кранальных пляцовак зноў быў імправізаваны ЗАГС LIDBEER. Больш за 160 пар з розных гарадоў сімвалічна абмяняліся пярсцёнкамі ў зоне хуткіх вяселляў LOVEBEER. Тут жа адбылася і сапраўдная прапанова рукі і сэрца: падрыхтаваны ў таямніцы сюрпрыз расчуліў не толькі нявесту, але і навакольных. Яшчэ адзін рамантычны момант здарыўся каля галоўнай сцэны – прапанова прагучала падчас выступу гурта The Hatters і дзясяткі тысяч гасцей сталі сведкамі заветнага «Так!».
«Мы радыя, што LIDBEER 2025 зрабіўся такой яркай падзеяй. Сёлета фестываль сабраў больш за 63 000 чалавек з Беларусі, Расіі, Польшчы, Літвы і іншых краін. Усяго за дзень госці выпілі каля 52 500 літраў піва, квасу і ахаладжальных напояў, якія разлівалі праз 264 краны і больш за 100 установак. Аднак галоўным застаецца тое, што немагчыма вымераць лічбамі – асаблівая атмасфера, якая робіць LIDBEER унікальным.
Мы шчыра дзякуем нашым партнёрам, а таксама Лідскаму раённаму выканкаму за ўдзел у арганізацыі гэтага знакавага мерапрыемства. У чарговы раз мы ўпэўніліся, што любоў гасцей да нашага свята толькі мацнее», — адзначылі прадстаўнікі кампаніі-заснавальніка фестывалю ААТ «Лідскае піва».
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
