29 жніўня ў Лідзе на галоўнай сцэне фестывалю LIDBEER выступяць: «Комната Культуры», MakSim, Гудтаймс, Сяргей Бабунец (заснавальнік рок-гурта «Смысловые галлюцинации»), IODO BAND, KaS і Alexander Spark.
Фестываль існуе з 2015 года. Некалі LIDBEER пачынаўся як свята хмелю, соладу і вады, але за дзесяцігоддзе трансфармаваўся ў найбуйнейшы опен-эйр краіны. Цяпер фестываль праходзіць пад слоганам «Яднаем розных!» і лайн-ап фестывалю яркае таму пацвярджэнне.
На сцэне выступяць і лірычная MakSim, песні якой будзе падпяваць уся Ліда, і палымяныя Гудтаймс. Сяргей Бабунец, адзін з самых яркіх прадстаўнікоў олдскульнага рускага рока і “Комната культуры”, гурт, які кожнага прымусіў задумацца: дзе яны, самалёты? IODO BAND і KaS будуць аддушынай для тых, каму важная прысутнасць у лайн-апе мясцовых калектываў. А DJ Alexander Spark зайграе свой найлепшы сет для самых адданых гледачоў фестывалю.
На фестывалі кожны можа знайсці забавы на свой густ: ад бясконцых фудкортаў і зон актыўнасцяў да горада майстроў, квэстаў і квізаў. Імправізаваны ЗАГС стане месцам, дзе сотні пар рэпетуюць будучае ўступленне ў шлюб, прызнаюцца ў каханні і робяць сапраўдныя прапановы рукі і сэрца. Дарэчы, нават Музей лідскага бровара ў дзень фестывалю будзе працаваць бясплатна ў парадку жывой чаргі.
Арганізатары і партнёры фестывалю падрыхтавалі мноства прыемных сюрпрызаў і запамінальных падарункаў, каб кожны госць пачуваўся жаданым.
Квіткі можна набыць на сайце lidbeer.by/tickets.
Вам споўнілася 18 гадоў?
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Калі вам стала вядома аб фактах парушэння антыкарупцыйнага заканадаўства ў Адкрытым акцыянерным таварыстве «Лідскае піва», паведаміце пра гэта на адрас: anticorruption@Lidskae.by
Ваша інфармацыя дазволіць спыніць карупцыйнае правапарушэнне. Канфідэнцыяльнасць гарантавана.
