26-27 кастрычніка на паркоўцы каля завода «Лідскае піва» пройдзе унікальны эка-праект «Пластык — не смецце, а рэсурс. Абірай перапрацоўку!». Гэты праект накіраваны на папулярызацыю перапрацоўкі пластыка і яго паўторнага выкарыстання.
Удзельнікі акцыі змогуць здаць пустыя пластыкавыя бутэлкі і атрымаць памятныя сувеніры ад брэнда. Сабраны пластык будзе перададзены на перапрацоўку, пасля чаго на прадпрыемстве ААТ «Барысаўскі завод пластмасавых вырабаў» з яго вырабяць лаўкі, урны і каляровыя кашпо, якія размесцяцца ў Лідзе. Гэтыя аб'екты стануць сімвалам унёску кожнага гараджаніна ў паляпшэнне экалогіі і дабрабыту горада.
Праект падтрымалі мясцовыя прадпрыемствы, экалагічныя арганізацыі і адміністрацыя горада Ліды. Ён мае важнае значэнне для павышэння свядомасці аб перапрацоўцы і правільным сартаванні адкідаў.
Пластык — гэта не проста смецце, гэта рэсурс, які пры правільнай апрацоўцы можа быць выкарыстаны паўторна. Мы хочам паказаць, што перапрацоўка дапамагае ствараць карысныя аб'екты, якія служаць гораду і яго жыхарам, паляпшаючы якасць жыцця.
Усе ўдзельнікі змогуць атрымаць памятныя сувеніры пры здачы пластыкавых бутылек з-пад вады і напояў. У абмен за 5 пластыкавых бутылек можна атрымаць ручку з эка-матэрыялаў або аловак, які можна пасадзіць у зямлю, за 10 бутылек - набор для вырошчвання мікразеляніны, за 20 бутылек - практычны эка-шоппер.
Усіх ўдзельнікаў эка-праекта чакаюць адукацыйныя майстар-класы па экалагічнай тэматыцы. Жыхары Ліды змогуць больш даведацца аб правільным сартаванні адкідаў, спосабах перапрацоўкі пластыка і яго паўторным выкарыстанні і нават змогуць стварыць карціны з перапрацаваных пластыкавых пакетаў.
Пілотны праект у Лідзе — гэта пачатак вялікага шляху. У планах маштабаванне праектаў у іншых гарадах Беларусі, якія дазволяць яшчэ большай колькасці людзей удзельнічаць у перапрацоўцы і стварэнні карысных аб'ектаў для гарадоў.
Далучайцеся, атрымлівайце карысныя веды і памятныя сувеніры. Дапамажыце зрабіць Ліду яшчэ больш прыгожай і чыстай.
Месца правядзення: г. Ліда, вул. Міцкевіча, д. 32 КПП № 1 Завод «Лідскае піва»
Даты правядзення:
Вы збіраецеся наведаць сайт, на якім ёсць інфармацыя аб прадуктах, якія змяшчаюць алкаголь
Вам споўнілася 18 гадоў?
